Covid-19ak gure egunerokotasunean izan duen eragina bistakoa da, eta mundu mailan izan duen inpaktuaren dimentsioa ikusteko dago oraindik. Fagor Taldean komunitatearen eta pertsonen ongizatea erdigunean dugunez, uneoro, langileen osasuna bermatzea izaten ari da taldeko kooperatiba guztien helburua. Beharrezkoak neurri guztia aplikatuta ari gara lanean, sortzen ari den testuinguru ekonomiko berrira ahalik eta azkarren egokitzeko.

Ezinbestean, Fagor Taldeko kooperatiba guztiek beren ohiko jarduna moldatu behar izan dute, eta, alarma-egoeran ezarritako neurriak aplikatuta, beren produkzioaren zati handi batekin jarraitu ahal izan dute.

Fagor Taldea Covid-19 aurre egiten

Hainbat kooperatiba zuzenean murgildu dira Covid-19ari aurre egiteko lanetan, eta zenbait produktu edota produktu egiteko makinak egin dituzte.

Mondragon Assemblyk maskara kirurgikoak ekoizteko lau
makina egiteko kontratua sinatu zuen martxoan, Bexen Medical enpresak maskarak egin ditzan. Apirilaren amaierarako, hilero 10 milioi maskara kirurgiko ekoiztea da asmoa.

Fagor Electronicak 5.000 arnasgailu egiteko lanetan dihardu, beste hamaika enpresarekin batera. Ezinbestekoak dira arnasgailuok Covid-19ak eragindako arnas gutxiegitasunari aurre egiteko, eta osasun zentroetan dagoen premia handiari aurre egiteko, arnasgailuak egiten
dihardu.

Fagor Healthcare, berriz milioi bat mantal inguru fabrikatzen ari da, eta hainbat osasun-zentrotan erabiltzeko. Mantalak egiten hasi dira, eta dagoeneko banaketa hasita dago. Horrez gain, aurpegiko maskarak eta mahuka-erdiak egiten ari dira, bai sektore pribatuarentzat,
bai publikoarentzat.

Osasun-neurriak beteta, martxan

Modu zuzenean, —makineria edota produktuak eginda—, edota ez hain zuzenean, Fagor Taldeko kooperatiba guztiak ari dira Covid-19ari aurre egiteko lanetan. Dugun izaera diskretuari jarraiki, gehienek ahotsa ia altxa gabe dihardugu lanean, baina ahal den neurrian
laguntzen. Egunotan, osasun-langileak ditugu protagonista, eta gure babes eta laguntza osoa behar dute. Esker onez laguntzen diegu, eta esker ona bueltan jaso genuena, esaterako, Gurutzetako osptiletik, Fagor Industrialek bidalitako maskaren argazkia jaso
genuenean.

Txinan agertu zenetik, Fagor Arrasatek zuzenean jasan ditu Covid-19aren eraginak, hango bi lantegiak bi astez itxi behar izan zituztelako, urtarrila eta otsaila bitartean. Ondorioz, gaur egun ia normaltasun osoarekin ari dira lanean. Arrasateko eta Donostiako instalazioetan,
berriz, lanpostu bakoitzaren eskakizunaren arabera, presentzialki edo telelanaren bidez ari dira lanean.

Fagor Automation langileentzako segurtasun-protokoloak etengabe eguneratzen ari da egoeraren arabera. Izan ere, mundu osoa zehar, 30 filial izanik, estatu bakoitzeko araudia betetzea konplexutasun handiko kontua da. Kooperatibako langileen % 100 ari da lanean. Lanakhala eskatzen duen kasuetan, lantegietan bertan ari dira, eta presentzia fisikoa behar ez den kasuetan, telelanaren bidez segitzen dute lanean.

Galbaian kooperatibak ere bere jardunaren % 100ari eutsi ahal izan dio, telelanari esker. Galbaianen bezeroek inoiz baino gehiago behar dute eskaintzen zaien aholkularitza, eta ordutegian zenbait moldaketa eginda, bere horretan dirau aktibitateak. Datozen asteetan, lantaldeko zenbait kide Arrasateko egoitzan lanean hastea aurreikusten da. Bulegoetara itzultzeko, osasun-protokoloek markatutako neurri eta baliabide guztiak jarriko ditugu, langileen osasuna eta segutasuna bermatzeko.

Ederlan eta Copreci kooperatibetan, garbiketa eta desinfekzio-protokoloak aplikatu ziren, eta langile guztiek maskarilarekin egiten dute lan.

Oro har, kooperatiba guztietan anerako guneak egokitu egin dira, pertsonen arteko espazioa mantentzeko, eta ordutegiak ere berrantolatu egin dira. Horrez gain, lanera sartu aurretik langileen tenperatura hartzen da zenbaitetan, eta arrisku handiagoa duten pertsonak etxean geratzen dira.