Industria prozesuen iraunkortasuna eta digitalizazioa uztartzen dituen Orlegi proiektua landu du Fagor Automationek, ekoizpen eredu eraginkorragoak eta ekonomia zirkularrean oinarritutako estrategiak bultzatuz. Horrekin, ikuspegi integral batetik heldu dio iraunkortasun industrialari, fabrikazio prozesuen ingurumen inpaktua murrizteko eta baliabide material eta energetikoen erabileraren eraginkortasuna hobetzeko helburuekin. Digitalizazioan eta adimen aplikatuan oinarrituta, ekoizpen ereduen bilakaera sustatzen du ekimenak, eta kontsumoak optimizatzea eta emisioak zein hondakinak minimizatzea ahalbidetzen du, uneoro bermatuz produktuen kalitatea eta fidagarritasuna.
Aldi berean, ekonomia zirkularrerako trantsizioa bultzatzen du Orlegik, osagaien bizitza baliagarria luzatzen duten konponketa eta birmanufaktura estrategiak lehenetsiz. Ikuspegi horrek lehengaiekiko mendekotasuna murrizten du eta industria ehunaren erresilientzia indartzen laguntzen du.
Proiektua guztiz bat dator Europako deskarbonizazio eta digitalizazio helburuekin, industria eraginkorragoa, lehiakorragoa eta ingurumenaren babesarekin konprometituagoa lortzeko bidean.
