Ametsak eraikitzen

LIBE ANDUEZA ALUSTIZA | MONDRAGON ASSEMBLY

Ilustrazio bat sortzen dudan bakoitzean, amets desberdinez eta magiaz beteriko mundu berriak sortzen saiatzen naiz. Bertan irudikatzen ditudan pertsonaiak hunkigarriak, alaiak eta koloretsuak izatea gustatzen zait. Nire espezialitatea marrazketa digitala da. Ipad eta arkatz digitala beti alboan ditudala, lehenik krokisak irudikatzen ditut. Eta ondoren gehien atsegin dudanarekin jarraitzen dut: kolore eta paleta desberdinak frogatu eta aukeratuz, marrazkiak eskatzen didan pertsonalitatea eta armonia ematen diot.