Fagor Ederlan automobilgintza sektorearen iraunkortasunari eta 0 emisio helburuari egiten ari den ekarpena izan du berbagai El Diario Vasco egunkariak. Kooperatibaren estrategia korporatiboaren parte da iraunkortasuna, eta, beraz, askotariko inbertsioak eta berrikuntza proiektuak ditu martxan I+G+B alorrean. Esate baterako, geroz eta arinagoak diren osagaiak fabrikatzen ditu, ibilgailuaren emisioak murriztea ahalbidetuz. Horrez gain, autobus eta trenentzat bateria arinak garatu eta merkaturatu ditu Fagor Ederbatten bidez.
Automobilgintzaren industria, eraldatze etengabean dago. Helburua da industria jarduerek geroz eta inpaktu txikiagoa izatea ingurumenean, karbono-aztarna murriztea eta mugikortasuna iraunkorrago bilakatzea. Bide horretan, Fagor Ederlanek Deskarbonizazio Plana du 2022-2032 bitarterako. Harekin, 1. eta 2. irismeneko berotegi efektuko gasen emisio absolutuak %50,4 murrizteko konpromisoa hartzen du, eta, 3. irismeneko emisio absolutuak, %30 murriztekoa.
Hainbat proiektu
Gaur-gaurkoz, Fagor Ederlanek automobilgintzarako egiturazko osagai bat du diseinatua, zehazki, V363 aluminiozko besoa. Haren diseinu, prozesu eta teknologiako berrikuntzari esker, osagaiaren %80 bigarren mailako materialekin fabrikatzea lortu du, bere pisua %51 murriztearekin eta fabrikazioan hondakin gutxiago sortzearekin batera. Halako proiektuekin, hainbat errekonozimendu ditu jasoak, tartean, Basque Best Circular sarietako Produktu Zirkularrenaren Saria.
