Skip to main content

Balio diferentzialeko proposamen bat sortzeko asmoz, Coprecik aliantza estrategiko bat sinatu berri du PlanetCarerekin, itsasoak mikroplastikoz kutsatzea saihesten duten soluzio teknologikoetan espezializatua den enpresarekin, alegia. Hain zuzen ere, PlanetCareren soluzioen garapena, industrializazioa eta merkaturatze globala bultzatzea da aliantzaren helburua, beste alorretako lankidetzan sakontzearekin batera.

Mundu mailako arazo baterako irtenbidea

Coprecik berrikuntzarekin eta hobekuntza teknologikoarekin duen eten bariko konpromisoa nabarmentzen du akordioak, eta haien eskuetan etxetresna elektriko seguruagoak, erabilerrazak eta ingurumenarekiko errespetudunak izateko aukera ematen die erabiltzaileei. Izan ere, PlanetCarerekin egindako lankidetza horren bidez, Coprecik edozein garbigailu-motaren fabrikatzaileen eskura jartzen ditu itsaso eta ozeanoak mikroplastikoz kutsatzea saihesteko beharrezko konponbideak. Arropa garbitze bakoitzean, esaterako, plastikozko ehunka mila zuntz mikroskopiko askatzen dira, eta garbigailuetako egungo iragazkiek atxikitzeko ahalmenik ez dutenez, plastikozko partikula txiki horiek guztiek hondakin-uretan amaitzen dute. Hau da: ingurumena kutsatzen dute, ekosistemak kaltetzen dituzte eta elikadura-katera itzultzen dira.

Imanol Oleaga Copreciko Zuzendari Nagusia “gogotsu” azaldu da PlanetCarerekin lankidetzan aritzeko: “Gogotsu gaude PlanetCareko taldearekin lan egiteko, seguruenez, hari zuriaren merkatuari urtero milioika tona mikroplastiko isurtzea eragiten duen kutsadura-iturri batekin bukatzen lagunduko dioten irtenbide teknologikoak eskaintzen lagunduko dielako”. Gaineratu duenez, erabiltzaileei merkatuko irtenbiderik aurreratuenak eskaintzeko eta PlanetCarerekin aliantzak bilatzeko helburuz jardun ohi du Coprecik.

Bestalde, Mojca Zupan PlanetCareren CEOa “oso pozik” azaldu da lankidetzarekin: “Oso pozik gaude gure ikuspegia eta balioak partekatzen dituen talde batekin lan egiteaz. Besteren artean, gure teknologiak mundu osoko bezeroengan duen eragin eraldatzailea ikusi dugu, eta eskuragarriagoa izango da Coprecirekin egindako aliantza honen bidez”.

PlanetCareri buruz

PlanetCare startup bat da, ingurumena zuntzez kutsatzea saihesten duten soluzio teknologiko berrien garapenarekin dabilena. Hainbaten artean, etxeko garbigailu guztietarako baliagarri den kanpo-iragazki modernizatu bat eta tamaina ertaineko garbigailu komertzialetarako iragazki bat landu ditu PlanetCarek. Gainera, iragazteko teknologiari loturiko bertsio berrien lanketarekin dihardu, iturri-espektro osoa etxeko garbigailuetatik industrialetaraino eroateko. PlanetCare hainbat herrialdetako gobernuekin, GKEekin eta erakunde akademikoekin ere ari da lanean, bai eta etxetresna elektrikoen fabrikatzaileekin eta beste enpresa batzuekin ere, legedia aldatzeko edo soluzio horiek baldintza ezberdinetara egokitzeko.