Zergatik Fagor?

Kooperatiba

MONDRAGON esperientzia kooperatiboaren aitzindari gara. Erreferente gara kooperatibagintzan eta haren lanketan segitzen dugu. Enpresa ulertzeko eta egiteko eredu demokratiko eta humanista dugu oinarrian.

Balioak

Aberastasuna sortu eta banatzen dugu, eta konprometiturik gaude Garapen Iraunkorreko Helburuekin. Gizarte demokratiko, justu eta iraunkor bat sortzeko gabiltza lanean.

Pertsonak

Erdigunean jarriak ditugu pertsonak. Haien konpromisoarendako eta inplikazioarendako mesedegarri diren testuinguruak sortzeko eten bariko ahaleginean gabiltza, jakitun baikara haiek direla geure kooperatiben egunerokotasunaren ardatz.

BALIOAK

Zer eskaintzen dugu?

Proiektu sozioenpresarialen parte izatea

Askotarikoak dira Fagor Taldean martxan jarriak ditugun proiektu sozioenpresarialak. Eten bariko berrikuntzarako dihardugu lanean, egitasmo berriak ezagutzen, ikasten, irakasten, eraikitzen, sortzen, garatzen… Horren guztiaren parte izan zaitezke.

Talde lana

Askotarikoak dira proiektu bakar batek barnebilduriko alorrak eta espezialistak. Nork bere alea jartzen du langai den horren mesedetan, eta, zeuk ere, zeurea jarri beharra izango duzu. Emandakoa trukean bueltatuko dizu esperientzia bakoitzak.

Barne Promoziorako aukera

Eten bariko hobekuntzarako aukera eskaintzen du Fagor Taldeak. Kide diren kooperatibetan argitaraturiko lanpostuetan izena emateko aukera izango duzu, egokitzea, aurrera egitea, esperientzia berriak ezagutzea… ahalbidetuz.

Gizarte erronkei erantzun berriak ematea

Fagor Taldean geure egiten ditugu gizarte erronkak. Horiei helduta, erantzun egokia emateko bitartekoak sortzen ahalegintzen gara, kideen esperientzia, ezagutza… oinarrian. Egoera berrietara egokitzeko gaitasuna lantzeko aukera eskainiko dizu horrek.