Pandemiak ezaugarrituriko urte honetan, inoiz baino indar handiagoz ikusi da etorkizun iraunkorrerantz egiteko dagoen beharra eta horren egokitasuna. Fagor Taldearen kasuan, iraunkortasuna gure enpresa jardueraren elementu osagarri izatetik gure estrategiaren erdigunean jartzera igaro den urtea ere izan da 2020a. Fagor 2030 estrategiak jauzi kualitatiboa ekarriko du iraunkortasunaren kudeaketan, Fagorrek etorkizun iraunkor eta inklusiboarekin duen konpromisoaren erakusgarri. 2020. urtean zehar interes taldeekin egindako elkarrizketa sakonen emaitza da estrategia hori. Fagorren, industria deskarbonizatua, zirkularra, digitala eta inklusiboa eraiki nahi dugu, eta horretarako ahalegin guztia egingo dugu datozen urteetan.